Gilde Peppers: «FUN» ohne Regierungsrat?

Die Gilde Peppers mit Pretty Petra, Hanni Moon, Magic Magi und Maya La Belle sind wieder an der Fasnachtsunterhaltung zu sehen.

 

 

Üsi Regierigsröt händ no nöd gmerkt,
dass Fasnacht s’Wohlbefinde stärkt,
und dass Präsenz ä dä FUN isch begehrt,
well sie scho einigi Wählerstimme hät b’schert.

Sie händ sich abgemeldet in corpore,
so vill Ignoranz tuet würkli weh.
Kain thurgauische Politglanz in dä Festhalle,
das tuet üs Narre gar nöd gfalle!

Sie händ kai Ziit vor luuter Verpflichtige,
was chönt’s denn au so Wichtigs geh?
I dä Schuel sitze und Früehfranzösisch büffle?
KESB i dä Familie loh umeschnüffle?

Anti-Tierquäler-Konzeptli schriibe?
Oder lieber z’St. Galle bim OLMA-Leu bliibe?
Iifrig über d’Usgabe vom Kantons-Kässli wache?
Dänn tüend mir üsi Spässli halt ohni das Quintett mache!



D’ FW fragt, wieso tuet de Rat mit Abweseheit glänze,
will er nöd mit em Volk abdänce?

Mehr von den Gilde Peppers an der Fasnachtsunterhaltung «FUN» am Freitag, 9. Februar 2018 in der Festhalle Rüegerholz. (red)